குஜராத்தில் கனமழை காரணமாக 29 பேர் உயிரிழந்த நிலையில், 20,000 மக்கள் மீட்பு.
குஜராத்தில் கடுமையான கனமழை மற்றும் வெள்ளம் காரணமாக பல மாவட்டங்களில் பெரும் பாதிப்பு ஏற்பட்டுள்ளது. தேவபூமி துவாரகா மாவட்டத்தில் 454 மிமீ மழை பதிவாகியுள்ள நிலையில், சூரத், வதோதரா, மற்றும் நவ்சரி போன்ற மாவட்டங்கள் கடுமையாக பாதிக்கப்பட்டுள்ளன. முக்கிய சாலைகளில் தண்ணீர் தேங்கி, போக்குவரத்து முடங்கியுள்ளது. கடந்த 2 நாட்களில் 20,000 மக்கள் மீட்கப்பட்டு நிவாரண முகாம்களில் தங்கவைக்கப்பட்டுள்ளனர். மழை காரணமாக 29 பேர் உயிரிழந்துள்ளனர். பிரதமர் மோடி, முதலமைச்சர் பூபேந்திர படேலுடன் தொடர்பு கொண்டு, மத்திய அரசின் ஆதரவினை உறுதி செய்துள்ளார்.
