சென்னை நீலாங்கரையில் இந்திய அளவிலான பீச் வாலிபால் போட்டி நடத்தப்பட உள்ளது.
மெரினா பீச் ஸ்போர்ட்ஸ் கிளப் சார்பில் இந்தியன் பீச் வாலிபால் ப்ரோ டூர் பந்தயம் சென்னையில் நாளை முதல் 10ஆம் தேதி வரை நீலாங்கரை கடற்கரையில் நடைபெற உள்ளது. இதில் தமிழ்நாடு, கேரளா, கர்நாடகா, தெலுங்கானா,ஆந்திரா, புதுச்சேரி, கோவா, டாமன் டையூ ஆகிய மாநிலங்களில் இருந்து 28 அணிகள் பங்கேற்க உள்ளன. அதில் ஆண்கள் பிரிவில் 16 அணிகளும், பெண்கள் பிரிவில் 12 அணிகளும் கலந்து கொள்ள உள்ளன. இந்த போட்டியானது லீக் மற்றும் நாக் அவுட் முறையில் நடைபெறுகிறது. போட்டியில் பரிசுத்தொகை ஆண்களுக்கு ஒரு லட்சம் ஆகவும்,பெண்களுக்கான பரிசுத்தொகை ரூபாய் 50,000 ஆகவும் அறிவிக்கப்பட்டுள்ளது. மேலும் போட்டியானது பகலிலும் இரவிலும் நடைபெற உள்ளது. காலை 8:00 மணி முதல் மதியம் 12 வரையிலும், மாலை 3 முதல் இரவு 10 மணி வரையிலும் போட்டி நடைபெற உள்ளது.
