இந்திய அரசு, ஐபோன், ஐபேட், மேக், ஆப்பிள் வாட்ச், ஆப்பிள் டிவி மற்றும் சஃபாரி ஆகியவற்றை பயன்படுத்துபவர்களுக்கு எச்சரிக்கை விடுத்துள்ளது. இந்த சாதனங்களில் பலவித பாதுகாப்பு குறைபாடுகள் இருப்பதாகவும், இதன் மூலம் தாக்குதல் நடத்தி தனிப்பட்ட தகவல்களை திருடி, சாதனத்தை கட்டுப்பாட்டில் எடுத்துக் கொள்ள முடியும் என்றும் தெரிவித்துள்ளது. இந்த ஆபத்துகளைத் தவிர்க்க, பயனர்கள் தங்கள் சாதனங்களில் புதிய மென்பொருள் பதிப்புகளை நிறுவ வேண்டும் எனவும், சந்தேகத்திற்கிடமான இணைப்புகள் அல்லது கோப்புகளை கவனமாக கையாள வேண்டும் மற்றும் தங்கள் தரவுகளை அவ்வப்போது காப்புப் பிரதி எடுத்து வைக்க வேண்டும் என்றும் அறிவுறுத்தப்பட்டுள்ளது.
