வணிக சமையல் எரிவாயு சிலிண்டர்கள் விலை ரூ. 76 குறைந்துள்ளது.
சர்வதேச சந்தையில் கச்சா எண்ணெய் விலையின் அடிப்படையில் சமையல் எரிவாயு சிலிண்டர் விலை நிர்ணயம் செய்யப்படுகிறது. ஒவ்வொரு மாதமும் 1ம் தேதி எண்ணெய் நிறுவனங்கள் புதிய விலையை நிர்ணயித்து அறிவிக்கின்றன. அதன்படி இந்த மாதம் வணிக சமையல் எரிவாயு சிலிண்டரின் விலை 76 ரூபாய் குறைக்கப்பட்டு உள்ளது.
சென்னையில் வணிக சிலிண்டர் 2,192 ரூபாய்க்கு விற்பனை செய்யப்படுகிறது. மார்ச் மாதம் ரூ .2,268 ஆக இருந்த வணிக பயன்பாட்டு சிலிண்டர் விலை ஏப்ரலில் ரூ 2,192 ஆக குறைந்துள்ளது. வீட்டு உபயோகத்திற்கான சமையல் எரிவாயு சிலிண்டர் விலையில் எந்த மாற்றமும் இல்லை என்று கூறப்பட்டுள்ளது.
