ராகுல் காந்தி தகுதி நீக்கத்தை கண்டித்து லண்டனில் காங்கிரஸ் கட்சியினர் போராட்டம்

ராகுல் காந்தியின் தகுதி நீக்கத்தை கண்டித்து, லண்டனில் காங்கிரஸ் கட்சியின் வெளிநாட்டு பிரிவினர் போராட்டம் நடத்தினர்.

பிரதமர் மோடி பற்றி அவதூறாக பேசிய வழக்கில் காங்கிரஸ் முன்னாள் தலைவர் ராகுல் காந்திக்கு குஜராத் நீதிமன்றம் 2 ஆண்டு சிறை தண்டனை விதித்தது. இதைத்தொடர்ந்து அவரது எம்.பி. பதவி அதிரடியாக பறிக்கப்பட்டுள்ளது. இதை கண்டித்து நாடு முழுவதும் காங்கிரசார் போராட்டம் நடத்தி வருகின்றனர். நேற்று நாடு முழுவதும் காங்கிரசார் சத்தியாகிரக போராட்டம் நடத்தினார்கள். இந்நிலையில், ராகுல் காந்தியின் தகுதி நீக்கத்தை கண்டித்து லண்டனில் காங்கிரஸ் கட்சியின் வெளிநாட்டு பிரிவினர் அங்குள்ள காந்தி சிலை முன் போராட்டம் நடத்தினர். அப்போது ராகுல் காந்திக்கு ஆதரவாக பதாகைகளை ஏந்தி போராட்டத்தில் ஈடுபட்டனர்.