தங்கம் மற்றும் வெள்ளி போன்ற உலோகங்கள் பொதுவாக பாதுகாப்பான முதலீடாக கருதப்படுகின்றன. பொருளாதார நெருக்கடியில் இருக்கும் போது, மக்கள் தங்கம் மற்றும் வெள்ளியை வாங்கி பாதுகாப்பாக வைத்துக் கொள்வார்கள். தற்போதைய நிலையில், உலக பொருளாதாரம் மந்தமாக இருப்பதால், தங்கம் மற்றும் வெள்ளியின் மீதான ஈர்ப்பு அதிகரித்துள்ளது. குறிப்பாக, பலவீனமான அமெரிக்க பொருளாதாரம் காரணமாக வட்டி விகிதம் குறைக்கப்படும் என்ற எதிர்பார்ப்பு அதிகரித்துள்ளது. இதன் காரணமாக தங்கத்தின் விலை கடந்த சில நாட்களாக தொடர்ந்து உயர்ந்து வருகிறது. தங்கம் ஒரு அவுன்ஸ் $2,665 ஆக உயர்ந்து வரலாற்று உச்ச சாதனையை படைத்துள்ளது. இது கடந்த ஆண்டு தொடக்கத்தில் இருந்து சுமார் 30% அதிகரிப்பு ஆகும்.
தங்கத்துடன் இணைந்து வெள்ளியின் விலையும் கடந்த நான்கு மாதங்களில் அதிகபட்சமாக 4.6% உயர்ந்துள்ளது. சீனாவில் பொருளாதாரத்தைத் தூண்டும் நடவடிக்கைகள் மேற்கொள்ளப்படுவதால் வெள்ளியின் தேவை அதிகரித்துள்ளது. ஆனால் பல்லேடியம் மற்றும் பிளாட்டினம் போன்ற உலோகங்களின் விலை குறைந்துள்ளது.
