தீபாவளி பண்டிகைக்கான அரசு பேருந்து முன்பதிவுகளால் அரசு பஸ்கள் நிரம்பி உள்ளன.
அரசு விரைவு பஸ்களுக்கு 60 நாட்களுக்கு முன்பு முன்பதிவு செய்யும் நடைமுறை நிலவுகிறது. நீண்ட தூரம் செல்லக்கூடிய எஸ்.இ.டி.சி. பஸ்கள், படுக்கை மற்றும் குளிர்சாதன வசதிகள் கொண்டதால் பயணிகள் அதிகரித்து வருகிறார்கள். தீபாவளிக்கு சொந்த ஊருக்குச் செல்ல விரும்புவோர் அக்டோபர் 1 மற்றும் 2-ஆம் தேதிகளில் முன்பதிவு செய்தனர். அக்டோபர் 28 மற்றும் 29-ஆம் தேதிகளில் பயணம் செய்ய தேவையான முன்பதிவுகள் துவங்கின. தென் மாவட்டங்களுக்கு செல்லக்கூடிய அனைத்து பஸ்களும் நிரம்பியுள்ளன. பண்டிகை முடிந்து நவம்பர் 3-ஆம் தேதியன்று சென்னைக்கு திரும்புவதற்கும் பெரும்பாலான இடங்கள் நிரம்பி விட்டன. 1500 பஸ்களுக்கு முதற்கட்டமாக முன்பதிவு செய்யப்பட்டுள்ளது.
