ஹூண்டாய் மோட்டார் இந்தியா, தனது பிரபலமான எஸ்யூவி மாடலான எக்ஸ்டரை வெளிநாடுகளுக்கு ஏற்றுமதி செய்யும் புதிய அத்தியாயத்தை தொடங்கியுள்ளது. முதற்கட்டமாக, 996 எக்ஸ்டர் கார்கள் தென் ஆப்பிரிக்காவை நோக்கி பயணித்துள்ளன. இது, இந்தியாவிலிருந்து தென் ஆப்பிரிக்காவிற்கு ஏற்றுமதி செய்யப்படும் எட்டாவது ஹூண்டாய் மாடலாகும். ஏற்கனவே கிராண்ட் i10 NIOS, Aura, i20, i20 N Line மற்றும் Venue உள்ளிட்ட மாடல்கள் தென் ஆப்பிரிக்காவில் வெற்றிகரமாக விற்பனை செய்யப்பட்டு வருகின்றன.
தென் ஆப்பிரிக்கா, ஹூண்டாயின் முக்கிய ஏற்றுமதி சந்தைகளில் ஒன்றாக திகழ்ந்து வருகிறது. இந்த நிலையில், சென்னையில் உள்ள ஹூண்டாய் தொழிற்சாலையில் உற்பத்தி செய்யப்படும் எக்ஸ்டர் கார்கள், தென் ஆப்பிரிக்காவில் உள்ள வாடிக்கையாளர்களை கவர்ந்திழுக்கும் என எதிர்பார்க்கப்படுகிறது.
