நீண்டகாலமாக பூமியைச் சுற்றி கண்ணுக்குத் தெரியாத மின்புலம் உள்ளதாக சந்தேகிக்கப்படுகிறது. 'அம்பிபோலர் மின்புலம்' என்று அழைக்கப்படும் இது இருப்பதை விஞ்ஞானிகள் தற்போது உறுதி செய்துள்ளனர். இது துருவக் காற்றை உருவாக்குவதுடன், மின்னூட்டப்பட்ட துகள்களை அதிவேகத்தில் விண்வெளிக்குள் தள்ளுகிறது. ஆகஸ்ட் 28, 2024 அன்று வெளியான நேச்சர் இதழில் இது பற்றிய விரிவான தகவல்கள் இடம்பெற்றுள்ளன.
நாசாவின் எண்டியூரன்ஸ் ராக்கெட் மூலம், பூமியின் வளிமண்டலத்தை, குறிப்பாக துருவங்களுக்கு மேல் உள்ள பகுதியை கண்காணித்து இது உறுதி செய்யப்பட்டுள்ளது. 'அம்பிபோலர் மின்புலம்' துகள்களை உயரமான உயரங்களுக்கு உயர்த்த உதவுகிறது மற்றும் பூமியின் வளிமண்டலத்தை வடிவமைப்பதில் குறிப்பிடத்தக்க பங்கு வகிக்கிறது. இந்த கண்டுபிடிப்பு வளிமண்டல இயக்கவியல் குறித்த அறிவியலில் புது வெளிச்சம் பாய்ச்சுகிறது. மேலும், வெள்ளி மற்றும் செவ்வாய் போன்ற பிற கிரகங்களில் உள்ள மின் புலங்களை புரிந்து கொள்ள உதவும் என்று கருதப்படுகிறது.
