இந்தியாவின் அன்னியச் செலாவணி கையிருப்பு தொடர்ந்து உயர்ந்து வருகிறது. செப்டம்பர் 20, 2024 நிலவரப்படி, இந்தியாவின் அன்னியச் செலாவணி கையிருப்பு 692.3 பில்லியன் டாலராக உயர்ந்து புதிய சாதனையை படைத்துள்ளது. கடந்த 6 வாரங்களாக கையிருப்பு தொடர்ந்து உயர்ந்து வரும் நிலையில், கடந்த வாரம் மட்டும் $2.84 பில்லியன் அதிகரித்துள்ளது. கடந்த 5 வாரங்களில் மொத்தமாக $19.3 பில்லியன் அதிகரித்துள்ளது.
அமெரிக்காவின் பெடரல் ரிசர்வ் வங்கி வட்டி விகிதத்தை குறைத்ததால் மற்றும் இந்திய பங்குச் சந்தை மற்றும் பத்திரச் சந்தையில் வெளிநாட்டு முதலீடுகள் அதிகரித்ததால் ரூபாய் மதிப்பு 83.4850 வரை உயர்ந்து பின்னர் 83.70 இல் நிலைபெற்றது. இது 2024 ஆம் ஆண்டின் அதிகபட்ச ரூபாய் மதிப்பாகும். இந்தியாவின் பொருளாதாரம் வலுவடைந்து வருவதற்கான அறிகுறியாக இந்த உயர்வு பார்க்கப்படுகிறது.
