நாசாவின் விண்வெளி திட்டங்கள் மூலம், வியாழன் மற்றும் சனி ஆகிய கோள்களைச் சுற்றி வரும் நிலவுகளில் வாழ்வதற்கான நம்பிக்கைக்குரிய அறிகுறிகள் உள்ளது கண்டறியப்பட்டுள்ளது.
நாசா விஞ்ஞானிகள், என்செலடஸ் என்ற சனிக்கோளின் நிலவு மற்றும் யூரோபா என்ற வியாழன் கோளின் நிலவு ஆகியவற்றில் உயிர் வாழ்வதற்கான சாத்தியக்கூறுகள் பற்றிய தீவிர ஆராய்ச்சியில் ஈடுபட்டுள்ளனர். அங்குள்ள நிலத்தடி கடல்கள் மற்றும் பனிக்கட்டிகள் ஆகியவற்றில், திரவ நீர், கரிம மூலக்கூறுகள் மற்றும் நிலையான ஆற்றல் மூலத்தின் ஆதாரங்களைத் தேடி வருகின்றனர். இந்த நிலையில், Europa Clipper மற்றும் Dragonfly போன்ற நாசாவின் எதிர்கால விண்வெளி திட்டங்கள் மூலம் வேற்றுலக உயிர்கள் பற்றிய தெளிவான தகவல்கள் கிடைக்கும் என்று நம்பிக்கை தெரிவிக்கப்பட்டுள்ளது.
