தமிழகத்தில் உள்ள ரேஷன் கடைகள் பாக்கெட் முறையில் பொருள்களை வழங்க முடிவு செய்துள்ளது.
தமிழக அரசு, பொது விநியோகத் திட்டத்தில் புதிய முன்னெடுப்பாக, ரேஷன் கடைகளில் பொருட்களை பேக்கேஜ் முறையில் வழங்க உள்ளது. இதன் மூலம், 2.07 கோடி ரேஷன் கார்டுதாரர்கள் பயனடைவார்கள். துவரம்பருப்பு, அரிசி உள்ளிட்ட அத்தியாவசிய பொருட்கள் தரமாகவும், சுத்தமாகவும் கிடைப்பதை உறுதி செய்யும் வகையில் இந்த முறை அமலுக்கு வரவுள்ளது. மேலும், ரேஷன் கடைகளில் ஏற்படும் நெரிசல் மற்றும் கள்ளச் சந்தைக்கு தீர்வு காணும் வகையில் இந்த முயற்சி அமைந்துள்ளது. இதன் மூலம், பொதுமக்களின் நேரமும், பொருளும் மிச்சமாகும் என எதிர்பார்க்கப்படுகிறது.
