பேடிஎம் நிறுவனம், இந்தியாவில் முதன்முறையாக என் எஃப் சி கார்டு சவுண்ட் பாக்ஸ் என்ற புதிய கருவியை அறிமுகப்படுத்தியுள்ளது. இந்த புதிய சாதனம், NFC கார்டு ரீடருடன் இணைத்து, ஒலி மூலம் பணம் செலுத்திய அறிவிப்பை வெளியிடுகிறது. அதனால், வாடிக்கையாளர்கள் தங்கள் கார்டுகளை தட்டி எளிமையாக பணம் செலுத்த உதவுகிறது.
வாடிக்கையாளர்கள் தங்கள் NFC கார்டை சவுண்ட்பாக்ஸில் தட்டினால் போதும், பணம் செலுத்தும் செயல்முறை முடிந்துவிடும். வணிகர்கள் உடனடியாக பணம் செலுத்தியதற்கான உறுதிப்பாட்டை பெறலாம். பாரம்பரிய கார்டுகளை விட இந்த புதிய கார்டு மிகவும் பாதுகாப்பானது. இந்த புதிய தொழில்நுட்பம், இந்தியாவில் டிஜிட்டல் பரிவர்த்தனைகளை அதிகரிக்க உதவும் மற்றும் பணம் செலுத்தும் முறையில் ஒரு புரட்சியை ஏற்படுத்தும் என்று எதிர்பார்க்கப்படுகிறது.
