பெரு நாட்டின் அமேசான் வனப்பகுதியில் கடுமையான காட்டுத்தீ ஏற்பட்டதில் 15 பேர் உயிரிழந்தனர்.
உலகின் மிகப்பெரிய வெப்பமண்டல மழைக்காடு அமேசான், தென் அமெரிக்காவில் பரவியுள்ள பிரேசில், போலிவியா, கொலம்பியா, ஈக்குவடா, கயானா, பெரு, சுரிநாம், வெனிசுலா, மற்றும் பிரெஞ்சு கயானா ஆகிய நாடுகளில் உள்ளது. இந்நிலையில், பெரு நாட்டின் அமேசான் வனப்பகுதியில் கடுமையான காட்டுத்தீ ஏற்பட்டுள்ளது. இந்த தீ, நாட்டின் பல மாகாணங்களில் பரவி பெரும் பாதிப்புகளை ஏற்படுத்துகிறது. இதனால் தீயை கட்டுப்படுத்த தீவிர நடவடிக்கைகள் மேற்கொள்ளப்படுகின்றன. இதில், 15 பேர் உயிரிழந்தனர். மேலும் காட்டுத்தீயில் சிக்கி 128 பேர் படுகாயமடைந்து சிகிச்சை பெற்றனர் என பெரு அரசு அறிவித்துள்ளது. காட்டுத்தீ தொடர்ந்து பரவி உள்ளதால், மக்கள் பாதுகாப்பாக இருக்குமாறு அறிவுறுத்தப்பட்டுள்ளது.
