வரும் செப்டம்பர் 22ஆம் தேதி நியூயார்க்கில் மோடி அண்ட் யூஎஸ்: புரோக்ரஸ் டுகெதர் நிகழ்வு நடைபெறுகிறது. இதில் பங்கேற்க அமெரிக்கா செல்லும் பிரதமர் நரேந்திர மோடி, அங்கு வசிக்கும் புலம்பெயர்ந்த இந்தியர்கள் மத்தியில் உரையாற்ற உள்ளார். கிட்டத்தட்ட 15,000 பேர் அமரக்கூடிய நாசாவ் படைவீரர் நினைவு கொலிசியத்தின் அரங்கத்தில் இந்த நிகழ்வு நடைபெறுகிறது. இந்த நிகழ்வில் பங்கேற்க 24000 முன்பதிவுகள் செய்யப்பட்டுள்ளன என்பது குறிப்பிடத்தக்கது. இந்தோ அமெரிக்கன் கம்யூனிட்டி ஆஃப் யூ எஸ் ஏ (ஐ ஏ சி யு) இந்த நிகழ்வை ஏற்பாடு செய்துள்ளது.
தொடர்ந்து, செப்டம்பர் 22-23 தேதிகளில் எதிர்கால உச்சி மாநாடு திட்டமிடப்பட்டுள்ளது. ஐநா பொது விவாதம் செப்டம்பர் 24 முதல் 30 வரை நடைபெறும். செப்டம்பர் 26ம் தேதி ஐநா பொதுச் சபையில் மோடி பேச உள்ளார். இந்த பயணம் அமெரிக்க அதிபர் தேர்தலுக்கு முன்னதாக, 2014ல் மேடிசன் ஸ்கொயர் கார்டன் மற்றும் 2019ல் என்ஆர்ஜி ஸ்டேடியத்தில் மோடி ஆற்றிய உரைகளைப் பின்பற்றுகிறது.
