நாசாவின் நியூ ஹொரைசன்ஸ் வானியலாளர்கள், சுபாரு தொலைநோக்கியை பயன்படுத்தி புதிய கண்டுபிடிப்பை செய்துள்ளனர். சூரிய குடும்பத்தின் விளிம்பில், கைபர் பெல்ட்டுக்கு அப்பால், 11 புதிய உறைந்த பொருட்கள் கண்டுபிடிக்கப்பட்டன. இந்த பொருட்கள் சூரியனில் இருந்து 70 முதல் 90 AU (Astronomical Units) தொலைவில் அமைந்துள்ளன. இது, நமது சூரிய குடும்பத்தில் இரண்டாவது கைப்பர் பெல்ட் இருக்கலாம் என்ற அனுமானத்தை எழுப்பியுள்ளது.
மற்ற நட்சத்திரங்களை சுற்றியுள்ள கைப்பர் பெல்ட்களை ஒப்பிடும்போது, நமது கைப்பர் பெல்ட் சிறியது என்ற முந்தைய கருத்தை இந்த கண்டுபிடிப்பு மறுக்கிறது. இது சூரிய குடும்பத்தின் உருவாக்கம் மற்றும் வளர்ச்சி பற்றிய நமது புரிதலை முற்றிலும் மாற்றி அமைக்கக்கூடிய வகையில் உள்ளது. வானியலாளர்கள் இந்த புதிய பொருட்களை தொடர்ந்து ஆராய்ந்து வருகின்றனர். அவர்களின் ஆய்வறிக்கை விரைவில் பிளேனட்டரி சயின்ஸ் இதழில் வெளியிடப்பட உள்ளது.
