பிரிட்டனின் டாடா ஸ்டீல் நிறுவனத்தின் போர்ட் டால்போட் ஆலைக்கு UK அரசாங்கம் £500 மில்லியன் ($655 மில்லியன்) நிதி உதவி அளிக்க உள்ளதாக அறிவித்துள்ளது. இந்த அறிவிப்பு, தொழிலாளர் கட்சியின் தொழில்துறை கொள்கையின் வெற்றியை தீர்மானிக்கும் முக்கியமான சோதனையாக பார்க்கப்படுகிறது.
இந்த நிதி உதவியின் விவரங்கள் குறித்து வணிக செயலாளர் ஜொனாதன் ரெனால்ட்ஸ் விரைவில் விளக்கம் அளிக்க உள்ளார். இதற்கு முன்பே இந்த நிதி உதவி குறித்து முந்தைய கன்சர்வேட்டிவ் அரசாங்கம் ஒப்புதல் அளித்திருந்தாலும், இதுவரை இறுதி செய்யப்படாமல் இருந்தது. டாடா ஸ்டீல் நிறுவனம் தற்போது பயன்படுத்தி வரும் பிளாஸ்ட் ஃபர்னேஸ்களை எலக்ட்ரிக் ஆர்க் ஃபர்னேஸ்களாக மாற்ற திட்டமிட்டுள்ளது. இந்த மாற்றத்தால் சுமார் 2,800 பேர் வேலை இழக்க நேரிடும் என்பதால், அரசாங்கம் இந்த நிதி உதவி மூலம் வேலை இழப்பை குறைக்க முயற்சிக்கிறது. இது, அரசாங்கம் முன்மொழிந்துள்ள ரூ. 2.5 பில்லியன் மதிப்புள்ள பசுமை எஃகு நிதி திட்டத்தின் ஒரு பகுதியாகும்.
