வெனிசுலா அதிபர் தேர்தலில் எதிர்க்கட்சி வேட்பாளர் எட்முண்டோ கான்சாலஸ் வெற்றி அடைந்ததாக அமெரிக்கா அங்கீகாரம் வழங்கியுள்ளது.
கடந்த வாரம் வெனிசுலாவின் அதிபர் தேர்தல் நடைபெற்றது. இதில் மடுரோ வெற்றி பெற்றதாக தேர்தல் ஆணையம் அறிவித்தது. அவருக்கு 51% வாக்குகள் கிடைத்தது. எதிர்க்கட்சி வேட்பாளர் எட்முண்டோவுக்கு 44 சதவீத வாக்குகள் கிடைத்தது என்று அறிவிக்கப்பட்டது. இதற்கு எதிர்கட்சிகள் கடும் கண்டனம் தெரிவித்தன. சுமார் 70% வாக்குகள் எண்ணப்பட்ட நிலையில் மடுரோவை விட எட்முண்டோ அதிக வாக்குகள் பெற்று முன்னணியில் இருந்தார். ஆனால் கடைசி நேரத்தில் மடுரோவுக்கு 51% வாக்குகள் கிடைத்ததாக தேர்தல் ஆணையம் அறிவித்தது. மிகப்பெரிய முறைகேடு என்று எதிர்க்கட்சிகள் குற்றம் சுமத்தியுள்ளன. இந்நிலையில், இந்த தேர்தலில் எட்முண்டோ கான்சலஸ் வெற்றியடைந்ததாக அமெரிக்கா அங்கீகரித்துள்ளது.
