கடந்த வார இறுதியில் விப்ரோ நிறுவனத்தின் ஏப்ரல் முதல் ஜூன் மாதம் வரையிலான காலாண்டு நிதிநிலை அறிக்கை வெளியிடப்பட்டது. இதன் எதிரொலியாக, இன்றைய வர்த்தக நாளில் விப்ரோ நிறுவனத்தின் பங்கு மதிப்பு கிட்டத்தட்ட 7% அளவுக்கு வீழ்ச்சி அடைந்தது.
விப்ரோ நிறுவனம் வெளியிட்ட காலாண்டு அறிக்கையின் படி, கிட்டத்தட்ட 4.6% அளவுக்கு வருடாந்திர லாபத்தில் உயர்வு பதிவாகியுள்ளது. எனினும், நிறுவனத்தின் வருவாய் 4% வீழ்ச்சியடைந்து, 21964 கோடியாக பதிவு செய்யப்பட்டுள்ளது. எனவே, இன்றைய வர்த்தக நாளில், விப்ரோ நிறுவனத்தின் பங்கு மதிப்பு வீழ்ச்சி அடைந்துள்ளது. மும்பை பங்குச் சந்தையில் கிட்டத்தட்ட 513.95 ரூபாய்க்கு விப்ரோ பங்குகள் வர்த்தகமாகின.
