சீனாவின் டாரிம் பேசின் பகுதியில் நடத்தப்பட்ட தொல்லியல் ஆய்வில், கிட்டத்தட்ட 2000 ஆண்டுகளுக்கு முந்தைய பழமையான பாலாடைக்கட்டி (சீஸ்) கண்டுபிடிக்கப்பட்டுள்ளது. இந்த அதிசய கண்டுபிடிப்பு, உலகின் பால் பொருட்கள் உற்பத்தி மற்றும் நுகர்வு குறித்த நமது புரிதலை மாற்றும் வகையில் அமைந்துள்ளது.
3,300 முதல் 3,600 ஆண்டுகளுக்கு முன்பு வாழ்ந்த சியோஹே மக்களின் மம்மிகளின் உடலில் இருந்து இந்த பாலாடைக்கட்டி எச்சங்கள் கண்டெடுக்கப்பட்டுள்ளன. ஆராய்ச்சியாளர்கள், இந்த மர்மமான வெள்ளைப் பொருளை பல ஆண்டுகளாக ஆய்வு செய்து வந்த நிலையில், மைட்டோகாண்ட்ரியல் டிஎன்ஏ பகுப்பாய்வு மூலம் இது பசு மற்றும் ஆடு பாலில் இருந்து தயாரிக்கப்பட்ட கேஃபிர் வகை பாலாடைக்கட்டி என்பதை உறுதி செய்துள்ளனர். இந்த கண்டுபிடிப்பு, சியோஹே மக்கள் பால் பொருட்களை எவ்வாறு தயாரித்து உபயோகித்தார்கள் என்பதை நமக்கு விளக்குகிறது. மேலும், இந்த பாலாடைக்கட்டியில் நவீன கால கேஃபிர் தானியங்களில் காணப்படும் புரோபயாடிக் பாக்டீரியாக்கள் இருப்பது கண்டறியப்பட்டுள்ளது. இது, பண்டைய கால மக்கள் நவீன மனிதர்களைப் போலவே பால் பொருட்களின் நன்மைகளை அறிந்திருந்தனர் என்பதை நிரூபிக்கிறது.
