கூகுள் நிறுவனத்தின் செயற்கை நுண்ணறிவு அடிப்படையிலான நோட்புக் எல்எம் கருவி இன்னும் சக்தி வாய்ந்ததாக மாறியுள்ளது. இதில் இப்போது யூடியூப் வீடியோக்கள் மற்றும் ஆடியோ கோப்புகளை பதிவேற்றி, அவற்றின் முக்கிய புள்ளிகளை சுருக்கமாக பெற முடியும். இதற்கு முன் பிடிஎஃப், டாக்ஸ் போன்றவற்றை மட்டுமே இதில் பதிவேற்ற முடியும். இந்த புதிய அம்சம் மாணவர்கள், ஆராய்ச்சியாளர்கள் உள்ளிட்ட பலருக்கு மிகவும் பயனுள்ளதாக இருக்கும் என்று கருதப்படுகிறது.
நோட்புக் எல்எம் மூலம், ஒரு வீடியோவின் முழு உள்ளடக்கத்தையும் படிக்க வேண்டிய அவசியமில்லை. அதற்கு பதிலாக, அதன் சுருக்கத்தை பெற்று, முக்கிய புள்ளிகளை மட்டும் கவனத்தில் கொள்ளலாம். இது நேரத்தை மிச்சப்படுத்தி, உற்பத்தி திறனை அதிகரிக்க உதவும். இந்த கருவியை பயன்படுத்த, https://notebooklm.google.com/ என்ற இணையதளத்திற்கு சென்று புதிய நோட்புக்கை உருவாக்கி, அதில் கோப்புகளை பதிவேற்ற வேண்டும். பின்னர், சம்மரி உருவாக்கும் பொத்தானை கிளிக் செய்தால், சுருக்கம் கிடைக்கும்.
